Ambasadorja e SHBA-së Yuri Kim, deklaroi sot votimi për zgjatjen e afatit të vetingut është një vendim i rëndësishëm që kapërcen politikat e përditshme.
Pak para votimit në Kuvend për zgjatjen e afateve të vettingut, Kim i ka bërë thirrje palëve politike të bëhen bashkë dhe të votojnë pro.
“Amendamenti për zgjatjen e vettingut del para Kuvendit. Disa e kanë keqkuptuar ose keqinterpretuar atë si një çështje partiake ose si një kurth. Në fakt, është një vendim i rëndësishëm që kapërcen politikat e përditshme. Shpresojmë që deputetët të lënë mënjanë politikën dhe të votojnë për Shqipërinë në BE. Ne jemi me ju”, deklaroi ambasadorja Kim.
Gjithashtu, ambasadorja publikoi deklaratën e përbashkët SHBA- BE për mbështetjen e reformës në drejtësi./ATSH/
