Roja e sigurisë së këngëtares me origjinë shqiptare Dua Lipa u filmua duke shtyrë një fanse nga rruga teksa Dua ishte duke ecur me të dashurin e saj Callum Turner në Paris. Siç duket edhe në video vajza dëshironte të bënte një selfie me këngëtaren, por kjo e fundit zgjodhi të mos ndalonte.
Në momentin që fansja ju afrua duke shkrepur disa fotografi, roja e sigurisë së Duas e shtyu dhe si pasojë asaj i ra telefoni nga dora. Pavarësisht incidentit sërish Dua nuk reagoi dhe u largua drejt një makine.Videoja është shpërndarë në internet dhe fansat kanë ndarë mendimet e tyre në lidhje me veprimet e truprojës, ku shumë thonë se ai “thjesht po bënte punën e tij”. Por të tjerët argumentuan:
Nuk më pëlqeu Dua këtu. Truproja i dha një goditje të fortë në krah një vajze shumë të qetë që donte të bënte video dhe Dua, duke dëgjuar rënien e telefonit, as nuk u kthye.
Dua dhe Callum kanë qenë të lidhur që nga janari, kur këngëtarja shqiptare u pa duke e mbështetur atë në premierën e serialit të tij të fundit.
