Princesha e Uellsit, Kate Middleton dhe Princi William u panë të shtunën në një fermë që shet prodhime të freskëta nga fermat e Kështjellës Windsor.
Në fakt, Sun dhe TMZ kanë publikuar imazhe dhe video të çiftit mbretëror duke shëtitur fillimisht nëpër dyqan dhe më pas duke bërë pazar. Videoja thuhet se është xhiruar nga një qytetar i cili ndodhej pranë dyqanit ushqimor ku Kate Middleton dhe Princi William po bënin pazar.
“Vura re një çift duke bërë blerje dhe gruaja u kthye. M’u duk sikur e kisha parë fytyrën e saj diku më parë. Ishte e njohur. Pastaj Uilliam u kthye mbrapa dhe mendova “prit, e njoh këtë person”. I thashë stafit: “Mendoj se janë ata!”, teksa po paguaja”, tha Nelson Silva i cili raportohet se ka parë çiftin princëror.
“Shkova te makina ime dhe teksa po dilnin nga dyqani, i bëra një video. Nuk më dukej sikur po e fshihnin kush ishin. Kisha një ndjenjë se ata thjesht donin të lëviznin shpejt”, shtoi ai.
Ky dyqan ushqimor është vetëm 1.5 kilometra nga rezidenca e tyre dhe shpesh frekuentohet nga anëtarët e familjes mbretërore. Gjithashtu gjatë fundjavës duket se çifti kanë ndjekur aktivitetet sportive të fëmijëve të tyre.
Për një kohë të gjatë si në mediat sociale ashtu edhe në shtypin britanik, veçanërisht në shtypin tabloid, ka pasur “shumë bojë të derdhur” për atë që ndodh në të vërtetë në pallatet britanike. Dhe deri diku jo pa të drejtë duke pasur parasysh se hera e fundit që Princesha e Uellsit u shfaq në publik ishte ditën e Krishtlindjeve. Që atëherë kanë kaluar gati tre muaj dhe përveç njerëzve të saj shumë të afërt askush tjetër nuk e ka parë.
Eksperti mbretëror dhe gazetari investigativ Tom Bower tha më herët se dalja e Kate tregon se ka “panik në pallat”, veçanërisht pas fiasko me portretin e sajuar me fëmijët e saj: “Pamja e saj sugjeron panik në pallat. Ashtu siç u shua zhurma e javës së kaluar, ajo u lejua të rindizte të gjitha pyetjet rreth shëndetit të saj që duhej të kishin mbetur private. Këshilltarët e saj padyshim nuk mund të vendosin se cila duhet të jetë strategjia e tyre.
“Ai akuzoi Pallatin Kensington për trajtimin e “tmerrshëm” të skandalit të fotoshopit dhe dështimin për të mbrojtur Princeshën e Uellsit ndërsa ajo supozohej se po shërohej nga një operacion i rëndësishëm.
