Një festë e çmendur ndodhi sot në stadiumin “Vicarage Road”, ku Watfordi mposhti Portsmouth me rezultatin 2-1, ku protagonist ishte djaloshi me origjinë shqiptare Rocco Vata.
Ylli 19-vjeçar arriti të realizojë gati në fundin e ndeshjes në minutat e shtesës 90+5’ dhe i dhuroi fitoren Watfordit. Vata u inkuadrua në lojë në nisje të pjesës së dytë, duke bërë atë që di të bëjë më mirë dhe duke ngritur në peshë Stadiumin.
Në katër ndeshjet e fundit, 19-vjeçari ka arritur të shënojë dy gola dhe ka asistuar po aq herë. Me golin e shënuar nga Vata sot, Watford ngjitet në vendin e gjashtë, që e çon në Play-Off të Premier League.
