Rikthimi i tij në Serie A deri më tani nuk kishte shkuar sipas pritshmërive. Por për Caleb Ekuban, sulmuesit italo-ganez shumë të dashur nga tifozeria e Partizanit ku filloi të shkëlqente, sot ishte një ditë për t’u mbajtur mend.
Ekuban shënoi sot golin e barazimit në ndeshjen ku ekipi i tij Genoa përballej me Venezian. Një gol mjaft i bukur që tregoi të gjitha cilësitë që sulmuesi ka shpalosur dikur edhe në Superiore.
I rritur si futbollist me ekipin e Chievon, pikërisht në 2016-2017 sezoni i tij me Partizanin, kulmuar me 17 gola, i mundësoi skenat e rëndësishme të Leeds dhe Trabzonspor, ku 20 golat e shënuar bindën drejtuesit e klubit me te vjetër italian që ta blinin.
Goli i sotëm ishte i pari i tij në Serie A, dhe ndoshta shënon një kapitull të ri për sulmuesin në kampionatin italian.
