Belgjika mposhti Uellsin me rezultat 4-2 të hënën mbrëma në Cardiff, por momenti më emocionues i ndeshjes ndodhi në minutën e 66-të kur gjyqtari Daniel Siebert ndërpreu ndeshjen për shkak të një miu që hyri në fushë.
Shikuesit në stadium e vunë re sapo ai hyri në fushë, dhe shfaqja e vërtetë u krijua kur portieri i Belgjikës, Thibaut Courtois, u përpoq ta kapte.
Duke qenë se mban doreza, Courtois vrapoi rreth fushës pas miut dhe u përpoq ta kapte atë, dhe turma entuziaste filloi të brohoriste për brejtësin.
Edhe pse iu afrua disa herë, portieri belg dështoi ta kapte dhe miu përshkoi të gjithë fushën përpara se sulmuesi vendas Brennan Johnson të arrinte ta largonte.
Me një fitore 4-2 dhe një barazimi të Maqedonisë së Veriut 1-1 kundër Kazakistanit në Shkup, Belgjika u rendit në vendin e parë në grup dhe tani ka një pikë më shumë dhe një ndeshje më pak se maqedonasit, dhe është në rrugë të mbarë për t’u kualifikuar për Kupën e Botës.
