Dy trena pasagjerësh janë përplasur ditën e sotme në Çeki, duke lënë të paktën pesë persona të plagosur rëndë dhe rreth 40 të tjerë me lëndime të lehta, raportuan zyrtarët dhe mediat lokale.
Shërbimet e shpëtimit të zjarrfikësve bënë të ditur se përplasja ndodhi rreth 132 kilometra në jug të Pragës.
Sipas tyre, të gjithë pasagjerët e të dy trenave u evakuuan në mënyrë të sigurt. Një përfaqësues i spitalit lokal tha për agjencinë e lajmeve CTK se pesë persona janë shtruar me plagë serioze.
Ministri i Transportit, Martin Kupka, deklaroi në një postim në platformën X se shkaqet e aksidentit janë ende nën hetim, por informacionet paraprake sugjerojnë se njëri nga trenat mund të ketë kaluar sinjalin që e detyronte të ndalonte.
