Sëmundja e papritur e Rexhep Tajip Erdogan gjatë një interviste të transmetuar drejtëpërdrejtë nga KANAL 7 dhe Ulke TV ka shkaktuar shqetësim të madh në Turqi.
Sipas medias turke cumhuriyet , vetëm pak orë pasi kishte nisur intervista e presidentit turk, gazetari papritmas ndaloi dhe kërkoi publicitet.
Në videon që bën xhiron e internetit, e shohim të ngrihet për një çast nga karrigia dhe më pas të ulet përsëri, ndoshta për të shmangur panikun.
Transmetimi më pas ndërpritet papritur, pa e shfaqur kameran Erdoganin.
Pak çaste para se të ndërpritej programi, nga dikush pas kamerave u dëgjua shprehja “Oh Zot im” shkruan media turke.
I rikthyer pas publicitetit Erdogan i kërkoi falje të pranishmëve duke shpjeguar se ditët e fundit kishin qenë shumë të lodhshme për shkak të fushatës zgjedhore dhe për më tepër vuante nga ftohja, por nuk donte ta anulonte intervistën pasi kishte dhënë premtimin e tij.
Vlen të theksohet se, pak orë pas përfundimit të intervistës, përfaqësuesi i Partisë për Drejtësi dhe Zhvillim të Turqisë në pushtet, Omer Çelik , falënderoi të gjithë botën për urimet e tyre drejtuar presidentit turk me një postim në Twitter, duke siguruar se “shëndeti i tij është mirë”.
