Shqiptari Çimi Kazazi ndodhej në mes të barit dhe restorantit të tij të përmbytur plotësisht, në fshatin Great Glen të Leicestershire, kur dëgjoi fqinjët që thërrisnin për ndihmë: ‘Çimi, Çimi, na duhet ndihma jote.’
Pa hezituar, ai u fut në ujë që i arrinte deri në kraharor, duke sfiduar rrezikun për të shpëtuar një grua dhe për ta çuar në një vend të sigurt – megjithëse në ujërat e turbullt nuk mund të shihte shkallët apo gropat e mundshme.
‘Thjesht dola jashtë, e dija që ishte e rrezikshme, por mendja më rrinte vetëm tek ajo person,’ tha Kazazi. ‘Ishte jashtëzakonisht ftohtë, shumë keq. Por nuk po mendoja për veten, po mendoja për ta, prandaj nuk e ndjeva të ftohtin.
‘Nëse ajo do të kishte qëndruar aty edhe 15 minuta të tjera, mund të kishte humbur jetën. Ishte vërtet e frikshme,’ ka thënë shqiptari Çim Kazazi për mediat.
