Mbrëmjen e djeshme, emisioni i njohur “Kojshia Show” u bë skenë e një ngjarjeje të paimagjinueshme për një media vizive. I ftuari Musa Smajli, pas një pyetjeje të shtruar nga moderatori i programit, nxori një armë zjarri drejtpërdrejtë në transmetim.
“Kojshia Show” është një program i njohur për krijimin e skupeve dhe momenteve kontroverse, por ky akt e kalon çdo kufi etik dhe ligjor. Një veprim i tillë, nëse do të kishte ndodhur realisht, do të kishte sjellë reagime të menjëhershme nga autoritetet, duke përshirë edhe Policinë e Kosovës.
Përdorimi dhe promovimi i dhunës, sidomos përmes një arme zjarri, në një emision televiziv që ndiqet nga të gjitha grupmoshat, është i papranueshëm dhe rrezikon seriozisht sigurinë publike. Përmbajtje të tilla, të motivuara vetëm për klikime dhe shikueshmëri, nuk duhet të lejohen dhe as të tolerohen nga autoritetet mediatike.
Duke shpresuar që Autoriteti i Mediave në Kosovë të marrë masat e duhura, mbetemi me shpresë që raste të tilla të mos përsëriten më. Mediat duhet të mbajnë përgjegjësi për përmbajtjen që transmetojnë dhe të sigurojnë një ambient të sigurtë për publikun.
