Jasir Asani ka debutuar në Ligën e Kampionëve të Azisë, me sulmuesin e Kombëtares që ishte protagonisti kryesor në fitoren që Gwangju arriti përballë japonezëve të Yokohama Marinos me rezultatin e thellë 7-3.
29-vjeccari realizoi një tripletë dhe gjithashtu dha dhe një asist në këtë takim, duke u shpallur padyshim lojtari i ndeshjes me notën 9.1.
Në minutën e dytë të takimit, sulmuesi kuqezi lëvizi nga e djathta drejt qendrës dhe me të majtën nga distanca për të kaluar në avantazh koreano-jugorët. Por nëse i pari ishte një “perlë”, atëherë goli i dytë ishte për t’u vendosur në vitrinë.
Në minutën e 55’, sulmuesi i Kombëtares mori sërish një top në të majtë dhe me një lëvizje të bukur goditi me hark nga krahu, duke tundur rrjetën njësoj si me Poloninë në “Air Albania” një vit më parë, me gola të tillë që tashmë duhen quajtur “Alla-Asani”.
Kështu Gwangju shkon në vendin e parë të grupit të Lindjes në Ligën e Kampionëve të Azisë.
