Për të dytën ditë më radhë, në qendër të qytetit të Fierit ka vijuar mbledhja e firmave për peticionin me të të cilin kërkohet rikthimi i dënimit me vdekje.
Familja e Mateos dhe të afërmit e tij ishin sërish aty në gjendje tejet të rënduar.
E ëma nuk e ndaloi dot vajin dhe lotët përballë posterit ku shikonte të birin dhe vrasësin përkrah.
Ndërsa puthte të voglin ajo u pa duke goditur foton e Klodian Çalamanit, ndërsa pas saj vrapoi i shoqi duke e grisur gjysmën e posterit.
Peticioni deri më tani ka nisur të firmoset në 5 qytete dhe sipas burimeve janë dhënë rreth 5 mijë firma.
Klodian Çalamani rrëmbeu, vrau dhe më pas varrosi 8-vjeçarin Mateo Vasiu në oborrin e banesës në Greçalli të Fierit, e cila vijon të ruhet nga policia si skenë krimi.
