Pas përfundimit të numërimit të votave për kryebashkiakët e rinj, ka nisur edhe numërimi i votave për Këshillat Bashkiakë. Deri më tani numërimi i votave është mbyllur në Elbasan, Kamëz, Poliçan dhe Pustec ku Partia Socialiste ka fituar shumicën e mandateve.
Konkretisht, PS ka marrë 28 mandate në Elbasan, përkundrejt 7 që ka marrë koalicioni “Bashkë Fitojmë”, 1 PD, dhe nga një mandat PSD, PDS, PDIU dhe Partia e Gjelbër. Në Poliçan, PS ka marrë 13 mandate, ndërsa “bashkë Fitojmë” dhe PD kanë marrë nga një.
Në Pustec PS ka marrë 5 mandate, “Bashkë Fitojmë” ka marrë 4, “Aleanca Maqedonase për integrimin Europian” 3 dhe nga 1 mandat kanë marrë Partia Agrare dhe Partia Demokracia Socialiste, Partia Socialdemokrate.
Në Tiranë vijon numërimi i votave, ku deri më tani kryeson PS.
Ndërkohë ende nuk ka nisur votimi në Malësinë e Madhe, Finiq, Vaun e Dejës, Kukës, Dibër, Lezhë, Kurbin, Krujë, Kavajë, Devoll, Belsh dhe Divjakë.
Zhvillimet minutë pas minute
Ora 10:05/ Mbyllet votimi për Këshillat në Vorë, PS fiton shumicën, 13 mandate! “Bashkë Fitojmë” merr 4
Partia Socialiste ka marrë shumicën e votave edhe për Këshillat Bashkiakë në Vorë, pasi fitoi edhe bashkinë.
Sipas të dhënave të publikuar nga KQZ, PS ka marrë 49.69% të votave, konvertuar në 13 mandate, ndërsa koalicioni “Bashkë Fitojmë” ka marrë 16.45% të votave, 4 mandate.
Partia Agrare Ambjentaliste ka marrë 2 mandate, ndërsa PR dhe FRD kanë marrë nga 1 mandat.
Ora 09:40/ Garë e ngushtë mes PS dhe “Bashkë Fitojmë” në Tropojë
Teksa janë numëruar më shumë se gjysmat e Qendrave të Votimit, gara për Këshillat Bashkiakë në Tropojë mes PS dhe “Bashkë Fitojmë” është shumë e ngushtë.
Sipas të dhënave të KQZ, PS ka një epërsi duke siguruar 14.22% të votave, konvertuar në 4 mandate, ndërsa “Bashkë Fitojmë” ka marrë 11.85% të votave, konvertuar në 4 mandate. Bindja Demokratike dhe Aleanca për Demokraci dhe Solidaritet kanë marrë nga 2 mandate.
Kanë marrë nga 1 mandat secila Partia Unitet Kombëtar, Lëvizja punëtore Shqiptare, Partia Aleanca Demokratike, LZHK, PSD, PDS, Partia Lëvizja e Legalitetit, PR dhe PAA.
Ora 09: 18/ Mbyllet numërimi në Kamëz, PS merr 20 mandate, “Bashkë Fitojmë” merr 11
Pas bashkisë, Partia Socialiste ka marrë eshë shumicën në Këshill në Kamëz. Numërimi tashmë është mbyllur, ndërsa sipas të dhënave të KQZ, PS ka marrë 20 mandate, ndjekur nga “Bashkë Fitojmë” me 11, PD dhe PSD kanë marrë nga 3 mandate, ndërsa PAA, PR dhe ALD kanë marrë nga 1 mandat.
Ora 09:10/ Numërohen më shumë se gjysmat e QV në Fier, PS në avantazh, merr 58.41% të votave
Kur janë numëruar më shumë se gjysmat e qendrave të votimit për Këshillat Bashkiakë në Fier, Partia Socialiste kryeson me 58.41% të votave, konvertuar në 32 mandate. Ndërkohë “Bashkë Fitojmë” ka marrë 12.49% të votave, 7 mandate, Partia Socialdemokrate ka marrë 8.91% të votave, 5 mandate, PD ka marrë 8.84%, 4 mandate, ndërsa PDIU, Aleanca Liberale e Djathtë dhe Partia Demokracia Sociale kanë marrë nga 1 mandat secila.
Ora 08:58/ Në Shkodër vijon numërimi, PS në epërsi, merr 32.43% të votave
Vijon numërimi votave për Këshillat Bashkiakë në Shkodër, ndërsa deri më tani Paria Socialiste ka siguruar shumicën e votave. Sipas të dhënave të KQZ, PS ka marrë 32.43% të votave konvertuar në 18 mandate, “Bashkë Fitojmë” ka marrë 23.79% të votave, 13 mandate, Partia Socialdemokrate ka marrë 21.13%, 12 mandate, PD ka marrë 9.64% të votave, 5 mandate, ndërsa Fryma e Re Demokratike, Aleanca Liberale e Djathtë dhe Partia Lëvizja e Legalitetit kanë marrë nga 1 mandat.
Ora 08:33/ Vijon numërimi në Durrës, PS kryeson me 51.78% të votave
Vijon numërimi i votave për Këshillat bashkiakë në Durrës, ndërsa deri më tani Partia Socialiste ruan epërsinë.
PS ka marrë 51.78% të votave, ose 29 mandate, “Bashkë Fitojmë” ka marrë 24.45% të votave ose 13 mandate, PD ka marrë 8.58% ose 4 mandate, PAA ka marrë 7.26% ose 4 mandate, PDIU ka marrë deri më tani 2.13% ose 1 mandat.
Ora 08:16/ Vijon numërimi në Vlorë, PS kryeson me 33 mandate
Vijon numërimi i votave për Këshillat Bashkiakë, ku Partia Socialiste ruan një epërsi të dukshme duke siguruar deri më tani 33 mandate.
PS ka marrë 59.91% të votave, ndërsa ndiqet nga koalicioni “Bashkë Fitojmë” që ka marrë 16.64% të votave, 9 mandate, më pas vjen PD me 6.20% të votave, 3 mandate.
Partia Drejtësi, Integrim dhe Unitet ka marrë 2 mandate, ndërsa PAA, PDS, PR dhe Aleanca Progresiste LZHK kanë marrë nga 1 mandat.
