Skuadra spanjolle e fitoi trofeun e Europa Leagues për herë të parë në histori, e mposhti Man Utd në penallti.
Villarreali e ka shijuar më në fund trofeun e parë evropian.
“Nëndetësja e Verdhë” ia doli ta fitonte Europa Leaguen pas një finaleje dramatike.
Ekipi spanjoll e mposhti në finale Manchester Unitedin vettëm falë penalltive.
Loja e rregullt dhe vazhdimet përfunduan baras, ndërsa nga pika e bardhë spanjollët e fituan trillerin e penalltivë, 11:10.
Gerard Moreno i kaloi spanjollët në epërsi pasi realizoi në minutën e 29-të të takimit.
Kurse, shifrat i barazoi Edinson Cavani në minutën e 55-të të ndeshjes.
Në penallti, hero i Villarrealit ishte portieri Geronimo Rulli.
Ai e realizoi penalltinë vendimtare pasi paraprakisht e kishte pritur goditjen e David de Geas.
Kjo ishte finalja e parë evropiane që u zhvillua me praninë e tifozëve pas dy vjetësh shkaku i pandemisë.
Për trajnerin Unai Emery ky ishte titulli i katërt i Europa Leagues, një rekord absolut për një trajner.
Nga ana tjetër, United mbeti pa trofe evropian që nga viti 2017.
Më pas, Villarreali u mposht nga Chelsea në ndeshjen e vlefshme për Superkupën e Evropës.
Ekipi i Verdhë ia doli të kualifikohet në të tetën e finales së Ligës së Kampionëve këtë sezon.
