Temperaturat në qytetin më të ftohtë në botë kanë rënë në minus 50 gradë Celsius.
Qyteti i Yakutsk në Siberinë lindore, i identifikuar gjerësisht si një nga vendet më të ftohta në botë, ka parë një të ftohtë anormal të gjatë, shkruajnë mediat e huaja, përcjell Telegrafi.
Janari është muaji i tij më i ftohtë dhe, megjithëse janë mësuar me temperaturat e ulëta, banorët në rajonin e largët po marrin masa paraprake shtesë për t’u ngrohur.
“Nuk mund ta luftosh atë”, ka thënë për Reuters një banor i veshur me dy shalle dhe shtresa të shumta dorezash, kapele dhe kapuçësh. “Ose përshtateni dhe visheni në përputhje me rrethanat ose vuani”.
“Shtresimi”, sipas një banoreje që shet peshk të ngrirë në një treg lokal, ishte çelësi. “Vetëm vishuni ngrohtësisht – si një lakër”, tha ajo.
Ndryshe, në vitin 2018, bëri aq ftohtë sa disa banorë thanë se u ishin ngrirë qerpikët.
Një vend me më pak se 1 milion banorë, dimrat e Yakutsk mund të jenë ekstremë – edhe sipas standardeve ruse.
