Tottenhami i la yjet e skuadrës në shtëpi, por pësoi disfatë. Të enjten, anglezët u mposhtën në udhëtim te holandezët e Vitesses me rezultatin 1:0, në kuadër të Grupit G në Ligën e Konferencës.
Maximilian Wittek shënoi 12 minuta para fundit të ndeshjes dhe i dha fitoren e parë në histori të ballafaqimeve të ndërsjella me një herë finalistin e Ligës së Kampionëve.
Spursi në pjesën e dytë e qëlloi tërthorësen me Bryan Gilin, ndërsa e mbylli takimin me vetëm një gjuajtje në kornizën e portës.
Te Tottenhami munguan lojtarët kyç si Harry Kane dhe Heung-Min Son.
Në stol te skuadra holandeze ishte reprezentuesi i Kosovës, Toni Domgjoni.
Rennesi është i pari me shtatë pikë pas tri xhirove.
Vitesse është i dyti me gjashtë pikë, ndërsa Tottenhami renditet i treti me katër pikë.
E fundit është Mura pa pikë.
