Drejtori i Muzeut të Luvrit në Paris, Laurence de Carr ka deklaruar se kamerat e sigurisë së jashtme nuk e mbulojnë plotësisht fasadën e muzeut të Luvrit, ku dhe u krye një grabitje të guximshme në mes të ditës.
“Pavarësisht përpjekjeve tona, pavarësisht punës sonë të palodhur çdo ditë, ne u mundëm”, tha Laurence de Carr, drejtor i Luvrit, në dëshminë e tij para një komisioni të Senatit.
“Nuk e zbuluam mbërritjen e hajdutëve mjaftueshëm herët” tha ajo duke fajësuar faktin se nuk kishte kamera të mjaftueshme jashtë muzeut për të monitoruar zonën.
Ajo theksoi se alarmi funksionoi, por kamerat e sigurisë së jashtme nuk e mbulojnë plotësisht fasadën e muzeut, konkretisht, dritarja nga e cila hynë hajdutët nuk monitorohej nga sistemi i kamerave.
“E vetmja kamera e instaluar është e kthyer nga perëndimi dhe për këtë arsye nuk e mbulonte ballkonin nga i cili ndodhi vjedhja”, ka disa kamera perimetri, por janë të vjetra“, pranoi ai.
De Carr këmbënguli se kishte paralajmëruar vazhdimisht se siguria e ndërtesës shekullore ishte në një gjendje të keqe. “Paralajmërimet që kisha shprehur u konfirmuan në një mënyrë të tmerrshme të dielën e kaluar”, tha ajo.
Des Carr thotë se ajo ofroi të jepte dorëheqjen, por u refuzua.
Më herët të mërkurën, Presidenti francez Emmanuel Macron urdhëroi “përshpejtimin” e masave të sigurisë në Luvër, pasi muzeu i Parisit u rihap për turistët.
Të dielën, hajdutët hynë me forcë në muzeun e famshëm botëror të Parisit duke përdorur një shkallë të montuar në një kamion për të hyrë në Galerinë Apollo, një nga dhomat më të zbukuruara të muzeut. Pasi thyen një dritare dhe të armatosur me një levë, ata shënjestruan dy vitrina të sigurisë së lartë dhe më pas vodhën bizhuteri franceze me vlerë rreth 88 milionë euro (102 milionë dollarë) e më pas u larguan me skuter.
