Hektarë të tëra toke janë përmbytur nga uji në zonën përreth lumit Vjosë dhe gjithashtu edhe banesa.
Qysh prej mëngjesit të sotëm ka pasur evakuime të shumta, ndërsa dëme deri tani ka në gjënë e gjallë dhe të mbjella.
Vjosa ka kaluar pikun e saj, por pritet që gjatë orëve të pasdites të ketë një rënie të nivelit dhe përmirësim të situatës. Ndërkohë Ministria e Mbrojtjes iu ka bërë apel banorëve që duhet të evakuohen të mos bëjnë rezistencë.
