Hetimet për vrasjen e konservatorit amerikan Charlie Kirk kanë hyrë në ditën e dytë, ndërsa FBI ka publikuar imazhet e një personi të dyshuar dhe u ka bërë thirrje qytetarëve të ndihmojnë në identifikimin e tij.
31-vjeçari Kirk u qëllua për vdekje të mërkurën, gjatë një fjalimi në Utah. Një plumb e goditi në qafë. Pavarësisht ndërhyrjes së stafit dhe rojeve të sigurisë.
Autoritetet thanë se pas të shtënave u gjet një armë në pyll pranë universitetit, por autori ende nuk është identifikuar. Dy persona u ndaluan fillimisht, por më vonë u liruan pasi nuk kishin lidhje me ngjarjen.
Sipas FBI-së në Salt Lake City, personi i dyshuar i kapur nga kamerat mban kapele, syze dielli dhe një bluzë të zezë me mëngë të gjata. Agjentët federalë kërkuan që kushdo që ka informacion të kontaktojë menjëherë në numrin 1-800-CALL-FBI.
