Detaje të reja janë zbardhur në lidhje me masakrën e ndodhur në New Orlins, SHBA, ku një kamion mori para dhjetëra persona, duke vrarë 15 dhe plagosur shumë të tjerë.
Sipas mediave të huaja, Shamsud-Din Jabbar, i dyshuari si autori i sulmit vdekjeprurës në natën e Vitit të Ri, ka folur për planin që kishte thurrur për të vrarë familjen e tij dhe për ëndrrat që e frymëzuan për t’u bashkuar me ISIS.
42-vjeçari besohet se i bëri këto regjistrime rrëqethëse ndërsa udhëtonte nga shtëpia e tij në Teksas drejt Luizianës, sipas autoriteteve.
Jabbar, një qytetar amerikan i lindur në Teksas dhe veteran i Ushtrisë që ka shërbyer në Afganistan, bëri referenca në video për divorcin e tij dhe si fillimisht kishte planifikuar të mblidhte familjen e tij për një “festim” me qëllim që t’i vriste ata, thanë dy zyrtarë të informuar për regjistrimet.
Por Jabbar tha në video se ai ndryshoi planet dhe iu bashkua ISIS-it, duke përmendur disa ëndrra që kishte pasur dhe që sipas tij e shtynë të bashkohej me grupin terrorist, sipas zyrtarëve.
