Një gazetar afgan është vrarë në një pritë në provincën qendrore të Ghorit.
Bismellah Adel Aimaq, kryeredaktor i stacionit të radio Sada-e-Ghor, është qëlluar të premten pranë qytetit të Firoz Kohit.
“Fatkeqësisht, Adel Aimaq, është vrarë nga persona të armatosur të panjohur këtë mbrëmje në Firoz Koh. Ai ishte 28-vjeçar dhe filloi të punonte me Radio Sada-e-Ghor që nga viti 2015”, ka thënë Habibollah Radmanesh, zv.udhëheqësi i Ghorit, raporton reuters.
Presidenti afgan, Ashraf Ghani, ka dënuar vrasjen duke thënë se Qeverias është e përkushtuar nëe promovimin e lirisë së shprehjes.
Ende asnjë nga grupet talibane nuk ka marrë përgjegjësinë për krimin e kryer.
