Ish politikani, sipërmarrësi dhe eksperti i njohur i çështjeve të sigurisë bullgare Aleksei Petrov është vrarë gjatë një sulmi me armë.
Ngjarja ndodhi në lagjen Dragalevtsi të kryeqyteti bullgar Sofie, ku është shtuar prania policore dhe po kqyret vendjgjarja.
Pranë trupit të pajetë të Petrov u gjet edhe një grua e plagosur, e cila është dërguar për të marrë trajtim mjekësor në spital.
Petrov ka qenë një sipërmarrës i njohur, politikan, por edhe professor në universitein e ekonomisë kombëtare dhe botërore, ekspert i çështjeve të sigurisë dhe atyre terroriste, president i federatës bullgare si dhe asaj ballkanase të karatesë. Për shumë vite ka qenë drejtor ekzekutiv i bashkimit për inciciativën ekonomike. Emri i tij gjtihashtu doli gjatë një debati që u zhvillua vitin e shkuar në parlament në lidhje ndryshimet e paraqitura nga qeveria për kodin e sigurimeve në lidhje me pagesat e dëmeve të pësuara gjatë aksidenteve rrugore jashtë vendit të makinave që janë të regjistruara në Bullgari.
Karriera e Petrov ka qenë e lidhur me shërbimet e sigurisë. Para vitit 1989, ka punuar në departamentin e gjashtë të sigurimit të shtetit. Ai gjithashtu ka qenë partner biznesi me ish kryeministri Bojko Borisv, me të cilin pati krijuar një kompani për promovimin e karatesë si sport. Me Borisov ishte njohur në federatën bullgare të karatesë. Petrov ka qenë edhe më parë shënjestër e atentateve.
