“Politika e krijimit të Shqipërisë së Madhe është një proces që do të vazhdojë sepse Albin Kurti nuk ka ndërmend të ndalet”.
Kështu u shpreh presidenti serb Aleksandar Vuçiç në Dnevnik të RTS, duke komentuar vizitën e tij të paparalajmëruar në Maqedoninë e Veriut, shkruan Euronews Serbia.
Ai gjithashtu bëri të ditur se nga java e ardhshme presioni ndaj Serbisë do të rritet për shkak të mos vendosjes së sanksioneve ndaj Rusisë.
“Nuk ka se si ta ndalojë atë (Kurtin), në fakt ka – me argumentim politik dhe seriozitet. Ai që mendon se dikush në Bruksel do ta bindë që të mos jetë ithtar i Enver Hoxhës apo Adem Demaçit, gabon. Nuk është fjala për një flamur të Shqipërisë së Madhe, por për atë që thoshte ai”, tha Vuçiç.
“Në Prijedor jam shpallur si president i Serbisë, jo si president i të gjithë serbëve. Pastaj vijmë te pyetja kryesore – pse hesht Perëndimi?”, shtoi ai.
