Presidenti i Serbisë, Aleksandër Vuçiç deklaroi se nuk beson se takimi me delegacionin e Kosovës më 18 gusht në Bruksel do të ketë sukses.
Sipas tij, Prishtina po përdor situatën në Ukrainë për të bërë fushatë kundër Serbisë.
Vuçiç u shpreh se është gënjeshtër ajo që thuhet se Beogradi dëshiron të sulmojë veriun e Kosovës, por është Prishtina që e do diçka të tillë, shkruan Euronews Serbia.
“Prishtina po e përdor situatën në Ukrainë për të udhëhequr një fushatë kundër Serbisë dhe është gënjeshtër sqë Serbia dëshiron të sulmojë këdo, por krejt e kundërta – Prishtina, është ajo që dëshiron të sulmojë veriun e Kosovës”, theksoi presidenti.
Ky reagim i kreut të shtetit serb erdhi pas deklaratës së kryeministrit të Kosovës, Albin Kurti bërë në një intervistë për Reuters, se ekziston një rrezik i lartë për një konflikt të ri mes dy vendeve.
