Presidenti i Serbisë, Aleksandar Vuçiq, ka thënë se pret që të vazhdohet dialogu Kosovë – Serbi në maj. Ai ka thënë se Serbia është në presion të madh, pasi nga perëndimi po pritet që ajo ta njoh pavarësinë e Kosovës.
“Pres vazhdimin e dialogut në maj, do të jemi të gatshëm për atë dialog. Perëndimi pret nga Serbia që të jetë ajo që pranon pavarësinë e Kosovës dhe ky është thelbi i vetë procesit”, ka thënë Vuçiq, raporton Tanjug.
Ai ka folur mbrëmë pas takimit të Këshillit të Sigurisë në Serb. Ka thënë se si shqiptarët në Kosovë kanë arritur të blejnë disa “shpirtra njerëzish në jug të Ibrit”.
“Kemi biseduar për pozitën e popullit tonë në Kosovë dhe Metohi dhe se si mund t’i ndihmojmë ata.
Atë që shqiptarët u përpoqën të krijonin një përçarje mes serbëve, ata arritën diçka duke blerë shpirtra njerëzisht në jug të Ibrit dhe absolutisht asgjë në veri”.
Vuçiq ka thënë se edhe pret së shpejti të formohet Asociacioni i Komunave Serbe.
“Ne u referohemi fjalëve të Lajçakut, se ajo që është dakorduar duhet të përmbushet”, ka thënë Vuçiq.
Vuçiq ka folur edhe për vrasjen e Oliver Ivanoviqit dhe ka thënë se si për dy vjet është akuzuar Serbia për këtë, duke paraqitur, siç thotë ai, gënjeshtra.
Ai kishte tri libra në tryezë, ndërsa tha se janë dokumente për vrasjen e Ivanoviqit, të cilat u arritën nga grupi punues i Ministrës së Brendshme të Serbisë, BIA-s, Zëri i Amerikës dhe Prokuroria.
