Presidenti i Serbisë, Aleksandar Vuçiq, ka paralajmëruar njëjtë sikurse kryeministri i Kosovës, se të premten mund të vijë deri te nënshkrimi i marrëveshjes finale, por sipas tij, kjo nuk do të jetë për njohje reciproke.
“E kam thënë këtë qartë dhe zëshëm”, ka thënë Vuçiqi gjatë adresimit për mediat serbe pas takimit në Washington.
Ai ka shtuar se në takim, Serbia nuk ka humbur asgjë, se për të ishte gjithçka formale.
“Nëse arrijmë të shtyjmë para edhe ca gjëra të vogla, do të isha i kënaqur, A do t’ia dalim, këtë nuk mund ta them”, ka thënë ai.
