Probleme të reja janë shfaqur për aktorin Will Smith, pasi ai është detyruar të mbylli fondacionin e tij të bamirësisë “Will & Jada Smith Family Foundation”, i themeluar në vitin 1997. Shkak kryesor për këtë veprim është bërë mungesa e donatorëve.Sipas Variety, goditja me shuplakë ndaj Chris Rock në Oscarin e vitit 2022 është arsyeja kryesore qe ka ndikuar në rënien e mbështetësve. Fondacioni shkoi nga më shumë se 2 milionë dollarë në 2021 në më pak se 400,000 dollarë në 2022.
Megjithatë, thuhet gjithashtu se Smiths tashmë po planifikonin ta mbyllnin atë në vitin 2021, pasi donin të dhuronin privatisht. Përveç kësaj, fondacioni kishte edhe disa pagesa të dyshimta, si 3,000 dollarë në tarifat e mbitërheqjes bankare, më shumë se 25,000 dollarë të dhuruara për organizatat e shëndetit mendor që tashmë ishin zhdukur.
Në moshën 55-vjeçare, Smith është ende një nga aktorët më të dashur dhe më të ndjekur, pavarësisht se çfarë ndodhi në Oscar. Karriera e tij duket se nuk ka pësuar asnjë lloj pengese, pasi Sony vazhdon t’i besojë atij, duke e mbajtur atë në një nga ekskluzivitetet e saj më fitimprurëse, siç bën Warner Bros.
