Bayer Leverkuseni ka pësuar humbje të thellë në shtëpi për të humbur hapin në garë për kreun në Bundesligë.
Leverkuseni të martën mbrëma pësoi 4:1 nga Wolfsburgu, në kuadër të xhiros së 28-të të kampionatit gjerman të futbollit.
Kroati Marin Pongraçiq ka realizuar dy gola për Wolfsburgun, ndërsa nga një gol e shënuan Maximilian Arnold e Renato Steffen.
Julian Baumgartlinger realizoi golin për Leverkusenin në minutën e 86-të.
Leverkuseni është në vend të katërt me 53 pikë. Wolfsburgu renditet i gjashti me 42 pikë. Wolfsburgut në këtë ndeshje për shkak të një lëndimi i mungoi Admir Mehmedi.
Dy ndeshjet tjera të luajtura të martën mbrëma nuk kanë dhënë fitues.
Eintracht Frankfurti barazoi 3:3 me Freiburgun, ndërsa Werder Bremeni luajti pa gola me Borussia Moenchengladbachun. Kështu Werderi ku luan Milot Rashica ka bërë hap prapa në garën për ekzistencë. Renditet i parafundit me 21 pikë.
Rashica prapë nuk ka kompletuar ndeshjen. Është zëvendësuar në minutën e 86-të. Amir Abrashi ka luajtur deri në minutën e 87-të për Freiburgun.
Vincenzo Grifo, Nils Petersen e Lucas Hoeler shënuan golat për Freiburgun, ndërsa Andre Silva, Daichi Kamada e Timothy Chandler shënuan për Frankfurtin. Në minutën e 69-të Freiburgu kaloi në epërsi 3:1, por në minutën e 79-të dhe 82-të, Frankfurti shënoi për të marrë një pikë.
Të mërkurën janë pesë ndeshje tjera të Bundesligës.
