Granit Xhaka është përzgjedhur në ekipin më të mirë të Kampionatit Evropian. Kështu të paktën ka shkruar gazeta e njohur zvicerane “20 minuten”, të hënën.
UEFA nuk e ka publikuar ende ekipin më të mirë të Euro 2020, por sipas mediumit zviceran, Xhaka do të jetë pjesë e tij.
Xhaka është kapiten i Zvicrës dhe bëhet lojtari i parë i Zvicrës që zë vend në ekipin më të mirë të Evropianit. Ai është paraqitur fuqishëm sidomos ndaj Francës në një të tetën e finales. “20 minuten” ka shkruar se konfirmimi zyrtar nga UEFA mungon, por përbërja e ekipit më të mirë po qarkullon në rrjete sociale.