Fantazisti i Napolit dhe Maqedonisë së Veriut, Eljif Elmas pritet të prezantohet në Bundesligë te RB Leipzig. 24-vjeçari shihet si zëvendësi i Emil Forsberg, që do largohet pas dhjetë vitesh nga klubi gjerman.
Sky në Gjermani bën me dije se Elmas do prezanohet në ditët në vijim dhe gjithçka mes klubeve është arritur për shumën e 23 milionë eurove. Dëshira për të afruar yllin e Napolit ishte që verën e shkuar, me gjermanët që për shkaqe financiare afruan Xavi Simons dhe Fabio Carvalho.
Gjatë qëndrimit të tij katër vite e gjysmë te Napoli, Elmas bëri 189 paraqitje, duke shënuar 19 gola dhe duke dhënë 11 asistime. 24-vjeçari pritet të udhëtojë në kampin stërvitor të Leipzig në La Manga për të takuar shokët e tij të rinj më 2 janar.
