Në konferencën e fundit për shtyp para largimit nga Shqipëria, ambasadorja amerikane, Yuri Kim mbështeti për herë të fundit qeverinë shqiptare.
Kim reagoi për herë të parë në lidhje me aksionin e Policisë së Shtetit në kampin e MEK.
Në një konferencë shtypi, Kim tha: “Ne mbështesim të drejtën e Shqipërisë për të zbatuar ligjet e saj në vendin e saj. Ka disa kushte të caktuara që zbatohen për çdo mysafir në vendin tuaj dhe mysafirët duhet t’i respektojnë ato”.
Kur u pyet nëse Shqipëria duhet t’i largojë muxhahedinët, Yuri Kim nënvizoi: “Është një vendim që i përket qeverisë shqiptare”.
Kim nuk komentoi dhunën e policisë shqiptare, e cila po bën xhiron e botës.
