Mbrojtësi i West Ham Unitedit, Pablo Zabaleta ka thënë se ndeshja e tij e fundit në Premier League mund të jetë në një stadium pa shikues, shkaku i pandemisë COVID-19.
Futbolli në Angli është pezulluar shkaku i virusi, ndërsa ndeshjet pritet të luhen pa shikues kur të rifillojnë garat.
Argjentinasi 35-vjeçar Zabaleta, është në stinorin e tij të fundit te West Hami. Ai planifikon të përfundojë karrierën e tij në elitën angleze dhe të vazhdojë në një shtet tjetër.
“Është stinori im i fundit në Angli dhe kam dashur të luajë ë ndryshe, të luajë para shikuesve, të kem, emocione dhe atë adrenalinë. Por, e di se do ta gjejë veten duke luajtur në stadiume të zbrazura, me emocione ndryshe”, ka thënë Zabaleta për faqen zyrtare të West Hamit.
Zabaleta ka fituar dy tituj të Premier Leagues, dy herë League Cupin dhe një herë FA Cupin me Manchester Cityn, para se të firmoste kontratë me West Hamin në vitin 2017.
“Unë jam i sigurt se Premier League dhe po ashtu ligat në vendet tjera do të rifillojnë, por nukdo të jetë siç ishte më parë”, ka thënë Zabaleta, që këtë stinor ka luajtur dhjetë ndeshje në ligë.
Mbrojtësi ka thënë se virusi do të na ndryshojë stilin e jetës.
“Më duhet të pranoj këtë. Mentalisht është e vështirë, por unë po mundohem të qëndroj pozitiv”, ka deklaruar argjentinasi.
