Kryeministri Zoran Zaev dhe lideri i BDI-së, Ali Ahmeti, arritën marrëveshje që në zgjedhjet presidenciale të shkojnë me kandidat të përbashkët konsensual.
Pas takimit Ahmeti tha se ditët në vazhdim do të përcaktohen për njërin nga emrat që përfolën tashmë në media respektivisht Radmilla Shekerinskën, Nikolla Dimtirovin, Oliver Spasovskin apo Stevo Pendarovskin.
Emri i kandidatit do të mësohet deri të premten, raporton AlsatM. Ahmeti tha se me Zaevin kanë biseduar edhe për zhvillimet aktuale dhe krizën mes partnerëve të koalicionit, që u nxit pas zhvillimeve në Kuvend me mos heqjen e imunitetit të Tajko Veljanovskit.
