Zoran Zaev përmes profilit të tij në Facebook informoi se ai personalisht falënderoi kryeministrin e Bullgarisë, Boyko Boriossov.
Zaev e falenderoi për vendimin për të dhuruar një pjesë të vaksinave kundër Covid-19.
“Pas vendimit për dhurimet e vaksinave, unë personalisht falënderova kryeministrin Borissov, Qeverinë e Bullgarisë dhe popullin bullgar për solidaritetin dhe gjestin human dhe veprimin e jashtëzakonshëm të miqësisë ndaj popullit maqedonas dhe të gjithë qytetarëve të Maqedonisë së Veriut.
Në falënderimin e kryeministrit Borissov, i thashë atij se dhurimi i disa prej vaksinave të siguruara nga qeveria bullgare është shumë e rëndësishme dhe vjen në një kohë jashtëzakonisht të vështirë të një vale të fortë coronavirusi me të cilën po përballen të dy popujt, të dy shtetet dhe e gjithë bota”, tha Zaev.
