Kryeministri Zoran Zaev i pyetur rreth faljes eventualë të të dënuarve në rastin e “27 prillit”, nga ana e presidentit të shtetit Gjorge Ivanov, u shpreh i prerë se një gjë e tillë është e pamundshme sepse nuk ka bazë ligjore dhe Kushtetuese për një hap të tillë të Ivanovit.
“Neni 11 nga Ligji për falje nuk ekziston. Procedura për falje nuk mundtë zhvillohet gjatë zgjedhjeve sepse kjo ndikon tek votuesit. Kjo procedurë mund të zhvillohet pas zgjedhjeve, raundi i dytë është më 5 maj, më pas vijojnë procedurat e KSHZ-së, për ankimimet eventuale e kështu me radhë, Ndërsa mandati i Ivanovit është deri më 12 maj, ndërsa presidenti i ri veçmë ka deklaruar se nuk do të fal sepse për këtë nuk ekziston bazë ligjore”, tha Zaev.
