Kryeministri i Maqedonisë Veriore, Zoran Zaev, deklaroi sonte se me fitoren e kandidatit të koalicionit qeverisës Stevo Pendarovski ka marrë fund regjimi, duke iu referuar kohës sa në pushtet ishte ish-presidenti George Ivanov nga VMRO-DPMNE.
“Regjim nuk mund të ketë më në Maqedoni. U mposht politika e ndarjes”, porositi Zaev, transmeton KosovaPress.
“Të gjithë funksionarët do t’i shërbejnë popullit”, tha Zaev, duke shtuar se zgjedhjet ishin të pastra, një moment ky i rëndësishëm për integrimin evropian të vendit.
