Dy monedha ari të veçantë të humbura në periudhën e murtajës ose siç njihet ndryshe Vdekjes së Zezë, janë gjetur nga një kërkues metalesh.
Monedhat të cilat i përkasin mbretit Edward III janë 23 karat. Mendohet se ato kanë humbur rreth vitit 1344.
Ekspertja Helen Geake u shpreh se monedhat e këtij lloji sot vlejnë 12 mijë Paund dhe ata që i zotërojnë janë nga shtresat e larta të shoqërisë.
Pas pushtimit norman në Britaninë e asaj kohe ndodheshin në qarkullim vetëm monedhat e argjendta. Ishte mbreti Edward ai i cili vendosi që të rifuste në përdorim monedhat e arta.
Ato quheshin florina. Monedhat u prodhuan në vitin 1344, por u tërhoqën brenda disa muajsh.
Ekspertët besojnë se shumë pak persona i përdornin këto monedha sepse kishin vlerë të madhe dhe vlenin sa një ditë pune.
