Ish-gruaja e Roman Abramovich thuhet se po “jeton me frikën” se pasuria e saj prej 500 milionë paund mund të ngrihet nëse ajo vihet në shënjestër të sanksioneve.
Irina Abramovich, 54 vjeç, raportohet se ka qenë e fshehur në një nga shtëpitë e saj luksoze në Mbretërinë e Bashkuar që nga pushtimi i Ukrainës nga Rusia.
Irina, e cila është nëna e pesë fëmijëve me oligarkun rus, nuk është sanksionuar nga MB apo BE, ndryshe nga ish-bashkëshorti i saj.
Por një nga ish-rojet e saj të sigurisë thotë se ajo ka frikë se stili i saj i jetesës luksoze mund të jetë nën kërcënim për shkak të pasurisë së saj që rrjedh nga divorci me miliarderin me origjinë ruse.
Pasuria e saj e saktë nuk dihet, por njihet se ajo ka shumë prona, duke përfshirë shtëpi në Londër, West Sussex, Moskë dhe St Trope.
Irina fillimisht u përfol se merrte një pagesë prej më shumë se 2 miliardë paund, pasi ajo dhe pronari i Chelsea FC Abramovich u ndanë në 2007 pas një martese 16-vjeçare.
Por çifti zgjodhi të divorcohej në Rusi, ku vendimet mbahen të fshehta dhe shpesh janë shumë më të vogla se ato të dhëna nga gjykatat në Mbretërinë e Bashkuar.
E përditshmja ruse “Vedomosti” raportoi se ajo mori 155 milionë funte, duke përfshirë ish-shtëpinë bashkëshortore, një jaht dhe një avion dhe pagesa të veçanta për fëmijët e saj. Disa vlerësime sugjerojnë se pasuria e saj mund të ishte rritur në 500 milionë paund me përfitimin e investimeve.
