NASA njoftoi se roboti “Curiosity” kishte detektuar sërish në Mars metan, një gaz që mund të çlirohet nga bakteret, por gjithashtu nga ndërveprimi mes gurëve dhe ujit.
“Me gjetjet e deri tanishme nuk jemi në gjendje të përcaktojmë nëse metani është me origjinë biologjike apo gjeologjike, si dhe nëse është antik apo i tanishëm”, deklaroi Paul Mahaffy, përgjegjës shkencor i NASA-s.
Çështja e pranisë së metanit ka tërhequr shumë vëmendjen e shkencëtarëve të hapësirës, sepse prania e tij mund të tregojë shenja jete në planetin e kuq.
