Disa arkeologë izraelitë njoftuan sot se kanë zbuluar një kishë në rajonin e Galilesë, duke garantuar se ajo është ngritur në vendin ku ndodhej shtëpia e apostujve Pjetër dhe Andrea.
“Kjo kishë bizantine u zbulua në El Araj, mes vendeve biblike Capharnaum dhe Kursi”, njoftoi Mordechai Aviam, që drejtoi gërmimet arkeologjike.
Sipas, Aciam, bëhet fjalë për Betsaidan, një fshat peshkatarësh ku kanë lindur Pjetri dhe vëllai i tij Andrea, sipas Ungjillit të Gjonit.
Shën Pjetri, ish-peshkatar, konsiderohet nga besimi i krishterë si një prej dishepujve të parë të Krishtit. Për kishën katolike, ai është Papa i parë./ATSH/
