Presidenti i Ukrainës, Volodymyr Zelensky, ka bërë me dije se ka pasur një bisedë telefonike me Papa Françeskun ditën e premte, nëpërmjet së cilës e ka informuar për “krimet ruse” në Ukrainë.
“E informova për agresionin e Federatës Ruse kundër Ukrainës dhe krimet e saj të tmerrshme. I jam mirënjohës Papës për lutjet e tij për Ukrainën”, shkroi Zelensky në Twitter.
“Populli ynë ka nevojë për mbështetjen e liderëve shpirtërorë të botës, të cilët duhet t’i transmetojnë globit të vërtetën për aktet e tmerrit të kryera nga agresori në Ukrainë”, theksoi ai.
