Ministri i Shëndetësisë, Armend Zemaj, ka bërë të ditur se nuk do të marrin asnjë masë pa u koordinuar me institucionet tjera.
Përmes një shkrimi në rrjetin e tij social Facebook, ai ka lutur qytetarët që pas ardhjes së mërgimtarëve të kenë kujdes e të respektojnë masat.
Shkrimi i tij i plotë:
Asnjë masë dhe asnjë vendim, Ministri i Shëndetësisë nuk e merr pa koordinim të plotë me të gjitha institucionet që janë të involvuara në zbatueshmërnë e Ligjit për pandeminë.
Çdo masë apo vendim është i kotë nëse nuk ka mbikëqyrje rigoroze të zbatimit të masave.
Në Republikën e Kosovës, autoriteti i vetëm që interpreton masat anti Covid është Ministria e Shëndetësisë, çdo vendim tjetër i lëshuar nga ndonjë institucion tjetër, si leje për veprim është i pavlefshëm dhe policia dhe inspektoratet duhet të veprojnë menjëherë.
Tashmë, kur kemi edhe ardhjen e diasporës dhe mundësinë e grumbullimit të qytetarëve, lusim të gjithë qytetarët për respektim rigoroz të masave.
Bashkë ia dalim!
