Një performancë live në ‘The Vocie of Australia 2023’ ka surpizuar këngëtaren shqiptare me famë ndërkombëtare, Rita Ora kur kuptoi se një nga konkurrentet e përzgjedhura nga ajo ishte me origjinë nga Kosova.
E reja Sihana Haxhnika performoi live këngën hit të yllit të pop-it Miley Cyrus ‘Nothing Breaks Like A Heart’, me të cilën arriti të merrte jo vetëm pëlqimin e publikut por edhe të këngëtares nga Kosova Rita Ora, e cila në rolin e jurisë zgjodhi të shtypte pulsantin për të bërë pjesë të grupit të saj.
Sapo vajza u prezantua dhe tregoi që është me origjinë shqiptare, Rita u gëzua shumë.
“Zemër si je?” e pyeti artistja teksa e përgëzoi për performancën dhe vokalin e jashtëzakonshëm të saj.
Lidhur me këtë mikpritje të ngrohtë që i bëri Rita, Siana ka treguar emocionet dhe dëshirën e hershme për të punuar me artisten.
“Kur u bëra ekipi i Ritës dhe kur ajo e ka kthyer karrigen jam bërë shumë e lumtur dhe e entuziazmuar, gjithmonë e ka dashur Ritën që kur kam qenë e vogël, e lumtur që jemi dy shqiptare dhe do të mund të punojmë bashkë. Kur më ka pyetur për mbiemër kam filluar të qesh se mbiemri im nuk është një mbiemër që e ka çdo kush, se është i rrallë kur e thash përsëri ajo u shokua se ajo e kuptoi se ishte mbiemër shqiptar dhe kjo më lumturoi”, u shpreh Sihana Haxhia.
