Ligjet që kërkojnë nga njerëzit të mbajnë mbulesa fytyre në situata të caktuara, do të shtrihen për të përfshirë “ambiente të tjera të brendshme” sipas kryeministrit.
Si pjesë e veprimeve për të ndaluar lehtësimin e kufizimeve të bllokimit të koronavirusit – për shkak të niveleve të infeksionit që po rriten përsëri në Angli – Boris Johnson tha se që nga 8 gushti njerëzve do t’u kërkohej me ligj të mbajnë maska për fytyrën në muze, galeri, kinema dhe vendet e adhurimit.
Ai vazhdoi: “Në këtë fazë, ne nuk po ndryshojmë rregullat për kontakte sociale në shkallë vendi. Unë nuk dua t’u them njerëzve të kalojnë më pak kohë me miqtë e tyre. Por, nëse njerëzit nuk i ndjekin rregullat dhe sillen në mënyrë të sigurt, mund të kemi nevojë të shkojmë me tutje.”
Johnson gjithashtu paraqiti një parullë të re që synon të kujtojë njerëzit për katër mënyrat e thjeshta për të shmangur përhapjen e koronavirusit: “duart, fytyrën, hapësirën, dhe marrjen e testit”.
“Kjo është se si ne do të shmangim kthimin në bllokim të plotë kombëtar,” shtoi ai./BBC
