Komisioni Qendror i Zgjedhjeve ka testuar pajisjet për identifikimin elektronik të votuesve në bashkinë e Kukësit. Zgjedhjet do të mbahen më 24 shtator.
Sipas KQZ-së, 3% e pajisjeve u testuan për të kaluar testin e kritereve, ndërsa bën me dije se pajisjet elektronike do të sigurojnë identifikimin e saktë të votuesve.
Më 24 Shtator do të bëhen sërish votime në Bashkinë e Kukësit, pas skandalit të publikuar ku përfshihej kryetari i kësaj bashkie, Safet Gjici. Në garë do të jenë, kandidati i mazhorancës, Albert Halilaj, ish-prefekt i qarkut të Kukësit, dhe Emri Vata nga koalicioni ‘Bashkë Fitojmë’.
