Partia Demokratike ka mbështetur figurën e Florian Binajt si kandidat në zgjedhjet e pjesshme vendore në Bashkinë e Tiranës, por për avokatin Spartak Ngjela kjo është “një zgjedhje e dobët politike”.
I ftuar në një emision Tv, Ngjela argumentoi se për të, një kandidat i denjë për të përfaqësuar opozitën duhet të ketë njohje shoqërore dhe popullore, të jetë elokuent dhe të perceptohet nga shoqëria si një person i drejtë.
“Duhej kandidati i nivelit të lartë, problemi është se duhej të ishte i njohur në opinionin publik, me njohje të madhe. Ndryshe nuk ka mundësi, por mund të kenë kërkuar por nuk kanë gjetur. Them që duhej një individ që të kishte njohje shoqërore dhe popullore, të ishte elokuent dhe shoqërisë ti jepej e kuptuar që ky është një njeri i drejtë. Këto janë elementë që krijojnë figurën popullore një shoqëri”, u shpreh ai.
Ndërsa ndalur të PS, e cila do të kandidojë në Tiranë me Ogerta Manastirliun, Ngjela tha se forca e kësaj partie është te mbështetja e madhe popullore që ajo gëzon.
“Forca e PS nuk është te politika, por te mbështetja e madhe popullore që kanë. Ekspertët ndërkombëtarë që erdhën këtu para disa vitesh më dhanë një sugjerim që ta dija. Avokat më thanë, na rezultoi që kjo është një shoqëri e majtë dhe i doli fjala. Cila është arsyeja, pse janë bërë kështu apo a kanë të drejtë, kjo nuk hyn në diskutim. Ai mban logjikën e vet dhe ti duhet të respektosh logjikën e opinionit publik dhe jo tënden. Pra, ata e thanë dhe koha e tregoi: kjo është një shoqëri e majtë. Lodhet kot e djathta. Dhe kur e analizova unë pse ia dhanë të djathtës në ’92, në ato vite, kuptova se ishte sepse kryetari i saj vinte nga Partia Komuniste”, tha ai.