Është mbyllur në Selinë Blu procesi i numërimit të votave të hedhura nga anëtarët e Këshillit Kombëtar për zgjedhjen e Kryesisë së re të Partisë Demokratike.
Sipas të dhënave të deritanishme në procesin e votimit morën pjesë 227 anëtarë të Këshillit Kombëtar, për 20 emrat e Kryesisë së re.
Emrat më të votuar në Kryesinë e re janë ata të Belind Këlliçit nga burrat me 192 vota, ndërsa nga gratë më e mbështetura është Fatbardha Kadiu me 141 vota.
Ndërkohë të zgjedhurit e tjerë si anëtarë të Kryesisë janë, Flamur Noka, Oerd Bylykbashi, Ervin Minarolli, Luciano Boçi, Agron Shehaj, Luan Baçi, Grigels Muçollari, Gent Strazimiri, Enno Bozdo, Keltis Kruja, Arben Ristani, Aldo Bumçi, Florion Mima, Jozefina Topalli, Ina Zhupa, Edith Harxhi, Mimoza Hajdarmataj, Eleina Qirici.
