Kryetari i KQZ, Klemend Zguri tha se raportimet nga komsionerët këtë vit u bënë nëpërmjet telefonit. Në një dalje për mediat, Zguri tha se shifrat për pjesëmarrje janë kontradiktore.
Zguri: Zgjedhjet e kaluara raportimi është bërë nga qendrat e votimit në sistemin elektronik dhe të dhënat nuk janë transportuar me telefon sic ndodhi këtë vit. Kjo gjë rrit pasigurinë lidhur me saktësinë e shifrave të publikuara përmes transmetimeve telefonike të komisionerëve.
Të dhënat zyrtare janë të dhëna që fiksohen në tablat përmbledhëse të rezultateve në çdo KZAZ. Tablet përmbledhëse duhet të përmbajnë numrin e saktë të pjesëmarrësve në votim sipas listave të zgjedhësve dhe numrin e saktë të fletëvotimeve të përdorura, të fletëve të vlefshme dhe të pavlefshme si dhe numrin e votave për cdo kandidat apo partie politike.
Në rast se shifrat e tabelave përmbledhëse janë kontradiktore atëhere kjo mund të jetë tregues paaftësie, por edhe tregues parregullsie.
Se çfarë ka ndodhur konkret kjo do të zbulohet nga një hetim administrativ.
