Zëvendëskryeministri, Besnik Bislimi, i cili PDK-ja u bë përgjegjës për dhunën, është detyruar të lerë sallën e parlamentit. Ishte deputetja e PDK-së, Ganimete Musliu, e cila informoi se kërkesa e partisë së saj në Kuvendin e Kosovës ishte realizuar.
Musaliu bëri të ditur se PDK-ja e kishte kusht të panegociueshëm largimin e Besnik Bislimit. “Dhuna nuk kalon”- deklaroi Musaliu.
Kërkesa e PDK-së për largimin e zëvendëskryeministrit Besnik Bislimi, erdhi pasi Bislimi, sipas deputetëve të opozitës në Kuvend, gjatë seancës, ka goditur deputetin e PDK-së, Mërgim Lushtaku.
“Kuvendi i Kosovës iu rikthye normalitetit pasi kryeparlamentari Glauk Konjufca dëgjoi kërkesën e Grupit Parlamentar të PDK-së për largimin e zëvendëskryeministrit Besnik Bislimi nga seanca, pasi ai në pjesën e parë të seancës sulmoi me shishe deputetin e PDK-së Mërgim Lushtaku.” – deklaroi PDK-ja.
Edhe deputetja e PDK-së, Eliza Hoxha, tha se largimi i Bislimit nga seanca si dhunues, mundësoi qetësimin e gjendjes. Ajo kërkoi nga kryeministri, Albin Kurti, që të rikthehet në temën e seancës dhe të sqaroj komunikimet e vartëses së tij, Mimoza Kusari-Lila me një zyrtar të Listës Serbe, Slavko Simiq.
Në sallën e Kuvendit nuk ka kuorum për votimin e disa marrëveshjeve ndërkombëtare, prandaj ato po kalohen për një seancë tjetër. Po votohen vetëm për pikat për të cilat ka kuorum prej 62 deputetësh sa janë në sallë.
