Është nisur nga porti i i Odesës anija e parë e parë e ngarkuar me grurë, pas marrëveshjejes së fundit të eksportit të grurit të nënshkruar midis Turqisë, OKB-së, Rusisë dhe Ukrainës.
Anija e ngarkesave me flamurin e Sierra Leone Razoni u largua nga Odesa në orën 8:30 të mëngjesit me orën lokale, siç është rënë dakord nga palët e marrëveshjes, tha në një deklaratë Ministria Turke e Mbrojtjes Kombëtare.
Turqia, OKB, Rusia dhe Ukraina nënshkruan një marrëveshje më 22 korrik për të rihapur tre porte ukrainase, Odesa, Chernomorsk dhe Yuzhny, për drithërat që kanë mbetur të bllokuara prej muajsh për shkak të luftës së vazhdueshme Rusi-Ukrainë, e cila tani është në muajin e gjashtë.
Për të mbikëqyrur eksportet e drithit ukrainas, një qendër e përbashkët koordinimi në Stamboll u hap zyrtarisht të mërkurën, e përbërë nga përfaqësues të Turqisë, OKB-së, Rusisë dhe Ukrainës për të mundësuar transportin e sigurt, me anije tregtare, të mallrave komerciale ushqimore dhe të plehrave nga tre portet kryesore të Ukrainës në Deti i Zi.
Ndërkohë rreth 300 persona konsiderohen të zhdukur në rajonin e Kievit, ndërsa 216 trupa të gjetur tashmë nuk janë identifikuar ende.
Ndërkaq inteligjenca britanike ka bër të ditur se Moska po lëviz trupat e saj drejt jugut të Ukrainës
“Rusia ndoshta po ricakton një numër të konsiderueshëm të forcave të saj nga sektori verior i Donbass në Ukrainën jugore. Gjatë katër ditëve të fundit, Rusia ka vazhduar të tentojë sulme taktike në aksin Bakhmut, në verilindje të Donetskut, vetëm duke bërë përparim të ngadalshëm. Rusia ka të ngjarë të ripërshtatë ofensivën e saj në Donbass pasi nuk është në gjendje të bëjë një hap vendimtar përpara bazuar në planin që kishte ndjekur që në prill. Zaporizhzhia është identifikuar si një zonë e cenueshme që ka nevojë për përforcim”, thuhet në raportin e inteligjencës britanike.
